Serikali kupitia Wizara ya Afya imetoa wito kuendelea kuhamasisha utoaji wa elimu , ujenzi wa Miundombinu rafiki na jumuishi kwa ajili ya hedhi salama, uwekezaji wa uzalishaji wa vifaa vya hedhi salama na watengenezaji kuweka “package” ya mwanafunzi ili kuwapa urahisi na unafuu katika upatikanaji wa taulo za za kike.
Wito huo umetolewa
Jijini Dodoma leo Tarehe 22,Mei, 2024 na Waziri wa Afya Mhe. Ummy
Mwalimu wakati akitoa taarifa kwa Wanahabari kuelekea Maadhimisho ya
Wiki ya Hedhi Salama na Uzinduzi wa Maadhimisho hayo
"Wito wa
Serikali ni kuendelea kuhamasisha utoaji elimu, ujenzi wa miundombinu
rafiki na jumuishi kwa ajili ya hedhi salama, uwekezaji wa uzalishaji wa
vifaa vya hedhi salama na watengenezaji kuweka “package” ya mwanafunzi
ili kuwapa urahisi na unafuu katika upatikanaji wa bidhaa hizi"amesema
Mhe.Ummy.
Aidha, Waziri Ummy amesema Hedhi isiyo salama ina
athari za kiafya ikiwemo kupata magonjwa kama UTI na magonjwa mengine ya
njia ya Uzazi, pia huongeza hatari ya kupata ugumba kutokana na
utumiaji vifaa vya hedhi visivyo salama.
Mbali na athari za
kiafya pia Waziri Ummy amesema , inaathari kwenye shughuli za maendeleo
ya mwanamke katika nyanja zote ikiwemo elimu, ushiriki kwenye shughuli
za kijamii na uchumi.
Halikadhalika, Waziri Ummy amefafanua maana
ya Hedhi Salama ni pamoja na kuhakikisha msichana na mawanamke anapata
elimu sahihi ya hedhi na huduma katika mazingira salama yenye
miundombinu ya vyoo vyenye usiri.
"Tunaposema hedhi salama maana
yake ni kwamba msichana na mwanamke anapata elimu sahihi ya hedhi
salama, anapata huduma katika mazingira salama yenye miundombinu ya vyoo
vyenye usiri, maji safi na salama, vifaa salama vya kujisitiri na
utupaji salama wa vifaa vya hedhi vilivyotumika", Waziri Ummy"amesema
Waziri Ummy.
