TANNA WATOA MKONO WA POLE HANANG, MUUGUZI PENDO ASIMULIA ALIVYOPOTEZA NDUGU ZAKE WATANO.
Chama cha Wauguzi Tanzania (TANNA) kimetoa mkono wa pole wa vifaa vya ujenzi kwa waathirika wa mvua ya mafuriko iliyoambatana na maporomoko ya tope Wilayani Hanang Mkoani Manyara.
Makamu wa Rais wa Chama TANNA JANE BARARUKULULIZA amesema vifaa vya ujenzi vilivyokabidhiwa ni pamoja na mifuko 120 ya saruji, bati vyenye thamani ya Tsh. Milioni sita,laki mbi na elfu themanini(Tsh. 6,280,000) huku wakitembelea na kutoa mkono wa pole pia kwa Muuguzi Pendo Sephania aliyepoteza ndugu zake watano .
“Mkono wetu wa pole upo katika maeneo makuu mawili, tuna mkono wa pole ambao ni fedha tasilimu tunazowapa wauguzi wetu, tuna milioni moja na nusu tunampa Pendo Rajab ambaye amepoteza wanafamilia watano na tuna Tsh.laki tano ambayo tunampa Pendaeli ambaye amepoteza nyumba na mali zilizokuwa ndani, lakini kama Wauguzi watanzania ni sehemu ya Watanzania kwa hiyo kama uongozi tunaungana kwa pamoja na kumshika mkono Rais wetu Dkt. Samia Suluhu Hassan tumetoa mchango utakaogusa waathirika wote ikiwemo wauguzi wetu, tumetoa mifuko ya saruji 120 pamoja na bati”amesema.
Katibu tawala Wilaya ya Hanang Mwalimu Athumani Likeyekeye amekishukuru TANNA kwa kutoa msaada huo kwa waathirika.
“Tunatamani watu wa Hanang warejee kwenye makazi yao kama watanzania wengine hiki mlichokifanya ni kikubwa katika kuunga mkono jitihada za Mama Mungu awabariki sana sisi tunawashukuru sana pia kwa kujali familia za ndugu wauguzi wenzenu”amesema.
Muuguzi Pendo Sephania amesema alipoteza ndugu zake watano akiwemo mama yake mzazi,dada mkubwa pamoja na mtoto wake na kaka zake wawili hivyo ametumia fursa hiyo kushukuru chama cha Wauguzi Tanzania kwa kuwatia Moyo pamoja na kuishukuru serikali kwa kutoa Tsh. Milioni 5 kugharamia mazishi.
Ikumbukwe kuwa Makamu wa Rais wa Chama cha Wauguzi Tanzania (TANNA ) JANE BARARUKULULIZA Katibu Mwenezi Msaidizi PROSPER PROTAS waliambatana na Muuguzi mkuu mkoa Manyara na viongozi wa chama mkoa na wilaya kukabidhi vifaa hivyo vya ujenzi..
TAZAMA VIDEO ZAIDI HAPA CHINI
